Para manter unha comunicación viva co cliente ademais da consulta web por parte do cliente, o sistema de avisos conta cun procesador de respostas automatizadas. A través de modelos predefinidos de resposta, envíanse e-mails aos clientes coa información do estado do seu aviso. Estas mensaxes tamén se envían aos grupos e persoal asignados aos avisos para mellorar o control das tarefas.

Ao acceder ao sistema, cada usuario do persoal disporá dunha vista dos avisos pendentes, o seu estado e das operacións que require así como alertas para a súa Intranet Corporativa.

A creación de avisos pódese realizar desde a propia interface web a través dun formulario e tamén vía e-mail por parte do cliente. Cando se reporten mediante chamada telefónica ou outros medios, o persoal encargado dos avisos tamén poderá crealos desde o seu acceso á plataforma. Os clientes poderán consultar o estado dos avisos a través da web. Disporase de acceso en consulta do estado e procesos do aviso. Terá acceso a ficheiros adxuntos relevantes e relacionados co aviso (como documentos técnicos, manuais, ou facturas para imprimir, por exemplo) que serán incluídos no ticket polo persoal. Poderanse realizar consultas por parte dos clientes respecto a todos os seus avisos e os datos relacionados con eles. Para manter a confidencialidade dalgúns datos e procesos internos, os avisos dispoñen dun apartado de notas internas, que non se mostrarán aos clientes nin poderán ser consultadas salvo polo persoal con permiso para iso.