Compartir coñecemento é a base de toda Intranet. Desenvolvemos Intranets adecuadas a cada organización e orientándoa a maximizar a xestión da información, a reter o coñecemento e a fomentar a formación e a consulta.

Entendemos a Intranet Corporativa como un lugar destinado a compartir coñecemento, e a fomentar o uso da comunicación. Para isto posibilitamos que que o coñecemento sexa parte da función de cada membro do equipo. Foméntase a intelixencia colectiva, a comunicación orientada ao proceso á vez que se fomenta o descubrimento axudando a unha organización máis efectiva.

Deseñamos a Intranet como un sistema modular, orientado á actividade e o coñecemento que xera cada organización. Creamos módulos conectados que permitan integrar toda a información e os procesos dunha organización.

As Intranets Corporativas poden incorporar ferramentas avanzadas de xestión como un CRM, ou ben ferramentas de apoio, como sistemas de axenda compartida, cursos online, buscador de documentación, sistemas wiki de información para consulta, módulo de ideas ou suxestións, etc. Tanto os datos de consulta como os procesos de xestión, estarán dispoñibles dunha maneira rápida e organizada, facilítanse múltiples ferramentas: formación, consulta de información, axendas, etc e intégranse cos sistemas de xestión e relación con clientes

Nunha época onde o coñecemento é o activo máis importante dunha empresa, unha intranet corporativa permítelle axudar a que ese coñecemento se amplíe e difunda, se reteña na empresa e se comunique de forma correcta. Son ferramentas que fomentan a comunicación e que permiten axilizar os procesos de negocio e xestión. Toda a información consúltase de maneira sinxela e rápida permitíndonos organizar toda a información do saber-facer da empresa.